УФСБ: Жашаууну ахырына дери - тутмакъгъа

РФ-ни ФСБ-сыны КъМР-де Управлениясыны къуллукъчулары 38-жыллыкъ инсанны аманлыкъчы ишин тыйгъандыла. Ол терроризмге ахча ётдюргенине ишеклик барды.

УФСБ-ны пресс-службасындан бизге билдиргенлерича, инсан ахча жыйып, ызы бла аны халкъла аралы террорист организацияланы келечилерини банк счётларына ашыргъанды. Ала Россей Федерациядан тышында право сакълаучу органладан букъгъандыла.

РФ-ни СК-сыны КъМР-де следствие управлениясы Россейни УК-сыны 205.1-чи статьясыны 4-чю кесегине бузукълукъ этилгени бла байламлы терслеу материалла ачханды. Законлада белгиленнгенича, быллай аманлыкъ этген жашаууну ахырына дери тутмакъда тутулургъа боллукъду.