Аскерчилени бир къауумуна ахча тёлеуню болжалы созулады

КъМР-ни Башчысы Казбек Коковну  Донецк эмда Луганск республикалада, Запорожье эмда Херсон  областьлада, Украинаны тийрелеринде да СВО-ну борчларын толтурур ючюн Россей Федерацияны Сауутланнган кючлерине къуллукъ этерге келишим бла баргъан аскерчилеге бир кере ахча тёлеуню болжалын андан ары созууну юсюнден Указы чыкъгъанды.

Указгъа кёре,  дагъыда келишимге 1 апрельде эм андан кечирек къол салгъанлагъа  - 2,1 миллион сомгъа дери, резерв полклада аскер къуллукъну бардырыуну юсюнден келишим тауусханлагъа уа 2,4 миллион сомгъа дери тёленирикди.