Шахматлада усталыкъларын кёргюзтгендиле

Нальчикде шахматладан мектеплени араларында бардырылгъан «Акъ ладья» деген эришиуню регион кезиую къуралгъанды, анга регионну башха-башха районларындан 15 къауум къатышханды.

Эсеплеге кёре, биринчи жерге ара шахарны 32-чи мектеби (Князланы Рита, Инал Темроков, Артур Жамбеев, Кантемир Люев) чыкъгъанды. Экинчи жерни - 14-чю гимназия (Мухамед Ныров, Максим Ольховик, Черкесланы Кантемир, Улбашланы Айсана), ючюнчюню уа – 33-чю мектеп (Амира Мамбетов, Имран Хежев, Карим Кажаев, Далила Багова) алгъандыла.

Хорлагъан къауум республиканы атындан эришиуню ахыр кесегине къатышырыкъды, ол а 1-11 июньда Дагомысда боллукъду.