УФСБ: Аманлыгъы ючюн тазир тёлерикди

Терроризмге къажау излеу-тинтиу жумушла бардыргъан кезиуде Россейни ФСБ-сыны КъМР-де Управлениясыны къуллукъчулары Чегем районну 32-жыллыкъ инсаны А.Л.Алоевни бузукъчу ишин тохтатхандыла. 
УФСБ-ны пресс-службасындан бизге билдиргенлерича, ол Интернетде терроризмни башын жулгъан материалла басмалагъанды.

Юг округну аскер сюдю, А.Л.Алоев РФ-ни Уголовный кодексини 205.2-чи статьясыны 2-чи кесегине бузукълукъ этгенин тохташдырып, анга 360 минг сом тазир салгъанды эмда электрон эм информация-телекоммуникация ызланы, ол санда Иинтернетни, хайырланып, сайтланы администратору болургъа эркинлигин эки жылгъа тохтатыргъа деген оноуну чыгъаргъанды. Ол кючюне киргенди.