Медицина полисни башха шахарда хайырланыргъа жараймыды?

ОМС полис бла, адамны къайда регистрациясы болгъанына неда къайда жашагъанына къарамай, къыралны къайсы регионунда да багъылыргъа боллукъду. Сиз башха шахаргъа кетип, анда тургъан кезиуде ауруп къалсагъыз, сизге медицина болушлукъну анда да хакъсыз берирге борчлудула. Алай болур ючюн а,  къолугъузда паспортугъуз бла медицина полисигиз (ОМС) болургъа тийишлиди, дегендиле КъМР-де МФЦ-да.

Болсада, мычымай берилген медицина болушлукъ бла сизни жалчытырыкъ эселе да, хакъсыз программагъа кирген талай жумушла эмда материалла бла байламлы чеклениуле уа бардыла. Быллай страховой полиси болгъан адамны соруулары чыкъсала неда аны эркинликлери бузулса, ол кесини страховой медицина организациясына (полис берилген жерге) сёлеширге боллукъду.

Алай сиз башха регионда план бла багъылыргъа, тинтиулени ётерге неда энчи специалистден консультация алыргъа сюе эсегиз а, этерик ишигиз башхаракъ болур.

Баш жорукъ: сизге направление керек боллукъду. Аны жашагъан жерде поликлиникада багъыучу врачыгъыз берирге керекди. Ол энчи бланкда (057/у-04 форма) жазылады.

ОМС система Правительство хар жыл сайын къабыл этген хакъсыз медицина жумушланы бир кесеги бла жалчытыргъа гарантия береди. Анга кёре, ол программагъа кирмеген жумушла ючюн ахча тёлерге тюшерге боллукъду.