«Тарых тюзлюкню къайтарыуну, къыралыбызны айныуунда жангы кезиу башланнганыны белгиси»

18 март Къырым Россейге къайтарылгъан кюндю. Аны бла байламлы КъМР-ни Башчысы Казбек Коков кесини МАХ-да энчи каналында алгъышлау сёзюн жазгъанды:

«Багъалы жерлешлерим!

Бюгюн биз сыйлы байрамларыбыздан бирини – Къырымны бла Севастопольну Россейге къайтарылгъанларыны кюнюн – белгилейбиз. Аны бла къыралыбызны  тарыхында жангы кезиу башланады. Ол  магъаналы иш  тарых тюзлюкню къайтарыуну, битеу дунияны да политика эмда экономика  низамны кёп тюрлюлюгюне  бурула башланнганыны белгиси болгъанды.

Запад бизни къыралны жалынчакъсызлыкъны жолундан тайдырыр муратларына жеталмагъанды. Аны къой, къырал башчыла сайлагъан тыш политика жолубуз тюз болгъанына ийнаныулукъну кючлегенди. 

Бюгюнлюкде Къырым бла Севастополь деменгили къыралыбызны ичинде, Россейни халкъларыны кёп миллетли юйюрюню къауумунда  жетишимли айнып барады.

Донецк Халкъ Республиканы, Луганск Халкъ Республиканы, Херсон эмда Запорожье областьланы андан сора этген тарых сайлаулары да башланнган ишни андан ары барыууну белгиси болгъанды. Ма аны ючюн сермешедиле къолларына сауут алып бизни аскерчилерибиз, бизни жигитлерибиз. Ала, энчи аскер операцияда  къыралларын, халкъларын да къоруулай, ёсюп келген тёлюлени андан ары жашаулары къоркъуусуз эмда ырахатлы болур ючюн, къанларын-жанларын  аямай къазауат этедиле. 

Къырымда бла Севастопольда жашагъанланы,  Къабарты-Малкъарны жамауатын эмда  къыралыбызны битеу халкъын  бу аламат байрам бла жюрегимден къызыу алгъышлайма!», - деп айтылады КъМР-ни Башчысыны алгъышлау сёзюнде.