Россейли окъуучула – биринчи жерде

Россейли окъуучула математикадан Бухарестде бардырылгъан халкъла аралы олимпиадада  эки алтын, анча да кюмюш майдалгъа тийишли болгъандыла. Олимпиада уа энди быйыл онжетинчи кере озгъанды.

Жашланы жетишимлери бла  РФ-ни Правительствосуну председателини орунбасары Дмитрий Чернышенко бла жарыкъландырыу министри Сергей Кравцов алгъышлагъандыла.

Алай бла, «алтынлагъа» Москваны 57-чи номерли мектебини окъуучусу Дмитрий Гришко, Санкт-Петербургда 239-чу номерли физика-математика лицейде билим алгъан Роман Кравченко тийишли болгъандыла. «Кюмюшле» бла уа Татарстанны ара шахарыны 2-чи номерли лицей-интернатындан Максим Большаков, Москваны «Экинчи школ» атлы лицейине жюрюген Андрей Шишко саугъаланнгандыла.

Россейли окъуучула эришиуге энчи халда къатышхандыла. Къауум эсепде ала, Къытайны командасын хорлап, 85 балл алгъандыла эмда биринчи жерге чыкъгъандыла.

Къыралыбызны математика дерсден жыйымдыкъ къаууму ишлени, узакъдан окъутуу амалны  хайырланып, «Сириус» билим бериу араны мурдорунда тамамлагъанды. Командагъа башчылыкъны Кирилл Сухов этгенди. Ол Санкт-Петербургда 239-чу номерли президентли физика-математика лицейни къошакъ билим берген ресурсла арасыны башчысыды.

Окъуучуланы даражалы олимпиадалагъа къатышханлары бла байламлы жумушну методисти уа Андрей  Кушнир болгъанды. Ол а къыралыбызны ара шахарындагъы Устазлыкъ усталыкъ арада ишлейди.