Окъуучула бадыражан ёсдюрюу амалла бла шагъырейленнгендиле

Къабарты-Малкъар къырал аграр университетни окъуучулары, Ставропольну аграр университетини келечилери бла бирге алгъаракъда «Эко-культура» биригиуде болгъандыла. Ала бла бирге ары «Келир заманланы агроинженериясы» илму араны башчысыны экинчиси Максимом Мастепаненко да баргъан эди ары. Бу шагъырейлениу жумуш ол араны «Интеллектуальные системы определения признаков растений, прогнозирования развития болезней и вредителей и принятия решений на основе технологий машинного зрения, ИИ и нейронных сетей» деген илму проектин тамамлауну чеклеринде ётгенди, деп билдиргендиле КъМКъАУ-дан.

Предприятияда бадыражанланы ёсдюрюу къалай къуралгъаныны юсюнден къонакълагъа аны тамата агроному Сергей Зудилов хапарлагъанды. Ставропольдан келгенле томатлагъа жукъгъан аурууланы ачыкълау амал бла шагъырейлендиргендиле – аны ала кеслери къурагъандыла. Студентле да теплицалагъа кёз жетдиргендиле, алада хайырланылгъан технологиялагъа багъа бергендиле. Быллай шагъырейлениу жумушланы мындан арысында да терк-терк тамамлап турургъа келишгендиле аны къурагъанла.