УФСБ: Жутлугъу ючюн – тутмакъгъа

РФ-ни ФСБ-сыны КъМР-де Управлениясыны къуллукъчулары, республиканы полициячылары бла бирге излеу-тинтиу жумушла бардырып, Россейни МВД-сыны Краснодарда университетини Усталыкъны ёсдюрюу жаны бла  Шимал-Кавказ институтуну къуллукъчусуну аманлыкъчы ишин тохтатхандыла. 

УФСБ-ны пресс-службасындан бизге билдиргенлерича, инсан  учрежденияны ишчилерине айлыкъларына бёлюннген ахчаны урлагъанды.  

РФ-ни СК-сыны КъМР-де следствие управлениясыны келечилери  анга  Россейни УК-сыны 159-чу статьясыны 4-чю кесегине, 292-чи статьясыны 2-чи кесегине   бузукълукъ этгени бла байламлы терслеу материалла ачхандыла. Законлагъа тийишлиликде быллай аманлыкъ этгенни эркинлиги  он жылгъа дери сыйырылыргъа боллукъду.