Жигитлени тёлюлери

Жаш тёлю жумушлагъа тири къатышхан Даяна Шибзухова бла Фатима Барсагова къурагъан «Кавказполия» деген оюнну Къабарты-Малкъарда жаш тёлю араланы ишлеринде хайырланыргъа умут этиледи.

КъМР-ни жаш тёлюню ишлери жаны бла министри  усталыкъ сайларгъа болушхан «Жигитлени тёлюлери» деген проектге къатышхан Даяна Шибзухова эм Фатима Барсагова бла тюбешип ушакъ этгенди. «Къызла манга  «Монополиягъа»  ушатып къурагъан оюнну кёргюзтгендиле. Анда, «Монополия» оюндача болмай,  шахарларыбыз, бизге белгили жерле, Къабарты-Малкъарны жигитлери, адет-тёрелери эмда башха шартла кёргюзтюледиле», - дегенди ол.

Бу оюнну презентациясы Нальчикде Жаш тёлюню юйюнде ётерикди. Ызы бла басмадан чыкъгъандан сора, аны жаш тёлю аралагъа юлеширикдиле.