Балны жюрек-тамыр системагъа хайыры

Бюгюнлюкде дарман бла багъыугъа жетдирмей адамла саулукъларына хайыр келтирген затланы ашаргъа кереклисини юсюнден кёп айтылады. Адам улуну деген китабын алып, окъугъанма. Сизни алим белгилеген затланы бир къаууму бла шагъырей этерге сюеме.

Медицинада белгиленнгенича, глюкоза адамны чархына къарыу берген материалды. Бек биринчиден, ол адамны шаугютлерине, санына, чархына, жюрегине да бек кереклиди. Балны жюрекни эти осал болгъанда, диеталыкъ, азыкълыкъ амал кибик хайырланыргъа жарайды. Алай аны исси чай бла ичерге жарамайды, нек дегенде, ол терлениуню кючлендирирге аны бла бирге жюрекни къарыусуз ишлетирге болады. Бал не хайырлы затха саналса да, аны ёлчемсиз хайырланыргъа жарамайды. Жюреги ауругъан адамгъа аны жаланда аз-аздан ашаргъа жарайды (1 чай къашыкъ неда аш къашыкъ 2-3 кере кюннге) сют, бишлакъ, жемишле эм башха азыкъла бла бирге да.

Халкъ медицинада балны башха жемишлени чапыракъ суулары бла гипертониядан ауругъанланы багъаргъа болады деп белгилейдиле. Сёз ючюн: стакан къызыл чюгюндюрню, стакан быхыны, стакан хренни сууун (ууулгъан хренни сууда 36 сагъат заман сакълап, андан сора сууун сыгъаргъа), анга стакан бал эм бир лимонну сууун къатышдырыргъа. Бу жарашдырылгъан къурамны барын да тийишлисича къатышдырып эм кюннге 3 кере ашарыкъдан бир сагъат алгъа неда ашагъандан сора 2-3 сагъатдан сора уллу къашыкъ бла бирин ичерге керекди. Быллай къурамны башын къаты жабып, сууукъ жерде сакълайдыла. Бу амалны хайырланырдан алгъа кесигизни терапевтигиз бла кенгешигиз.

Белгилисича, иммунитетлери къазыусуз адамлагъа аны кётюрюрге балгъа къоз, эрик, шаптал, жюзюм, инжир къатдырмаланы тартып, лимонну согун да къошуп хайырланыуну кёпле уста хайырланадыла.

Саулукъ сакълауда не жаны бла да аллергиясы болмагъаннга балны хайырланыуну кёпле бек тюз ишге санайдыла. Болсада, хар затны да мардасы, чеги болгъанын унутмай, кесигизни бакъгъан врачны сёзюне тынгыларгъа унутмагъыз.