Пенсияны ким ненча алады

Россейни  Социал фондуну тергеулерине кёре, быйылны январь айында къыралны регионларында тёленнген пенсияланы араларында башхалыкъ 23 327 сомгъа жетгенди. Башхача айтханда, бир-бир регионлада пенсиячыла 23 минг сомгъа кёп  аладыла.

«Чукотка автоном округда орталыкъ пенсияны ёлчеми – 41 932 сомду. Дагестанда уа  жаланда 18 605 сомду»,  деп билдиреди ТАСС агентство.

Алгъаракъда Социал фонд Россейде быйылны  январь айында орталыкъ пенсияны ёлчеми 25 300 сомгъа жетгенини, жылны ичинде  2 минг сомгъа ёсгенини юсюнден билдирген эди.

Белгилисича, 2026 жылда биринчи январьдан башлап, уруннган эм ишлемеген пенсиячылагъа тёленнген  ачхала 7,6 процентге  кётюрюлгенди.