Къабарты-Малкъар Республиканы Башчысы К.В.Коковну Ата журтну къоруулаучусуну кюню бла алгъышлауу

Къабарты-Малкъар Республиканы Башчысы К.В.Коковну Ата журтну къоруулаучусуну кюню бла алгъышлауу

Къабарты-Малкъарны хурметли жамауаты!

Сизни Ата журтну къоруулаучусуну кюню бла жюрегимден къызыу алгъышлайма!

Быллай сыйлы кюн биз тюрлю-тюрлю жыллада бла ёмюрледе сермеш аулакълада къазауат этип, Ата журтну эркинлигин бла жалынчакъсызлыгъын къоруулагъанланы кишиликлери эмда жигитликлери ючюн хурметлейбиз. Аскер къуллукъ баш усталыкълары эмда жашау ызлары болгъан адамлагъа сый-намыс беребиз.

Уллу Ата журт урушну жылларында бир да болмагъанча уллу жигитлик этген, бизге 1945 жылны хорламлы майын келтирген  къурч кибик кючлю тёлюге батырлыкълары эмда ётгюрлюклери ючюн баш урабыз. Бюгюнлюкде энчи аскер операцияда ата-бабаларыны аскер махтаулукъларына кертичи бола, туугъан жерлери эмда Россейни миллет сейирлери ючюн жанларын-къанларын аямай къазауат этген солдатлагъа бла офицерлеге да бизни хурметибиз, ыразылыгъыбыз да бек уллуду. Ала барысы да чынтты жигитледиле. Ала бла къырал саулай да ёхтемленеди.

Быйылгъы жыл Президентибиз Владимир Владимирович Путинни оноуу бла Россейни халкъларыны бирлигини жылыча тохташдырылгъанды. Бюгюнлюкде, бизге тюрлю-тюрлю тыйгъычла салыннган заманда, бирликди бизни кючлю этерик. Къарындаш биригиулюкню, Ата журтха кертичиликни ёмюрлени теренинден  келген тёрелерине таяна, не уллу къыйынлыкъланы да хорларгъа, Ата журтубузну къолайлы келир заманы ючюн салыннган борчланы толтурургъа да къолубуздан келлигине ишексизме.

Жюрегими теренинден сизге алгъыш эте, кийик саулукъ, ырахатлыкъ, монглукъ, битеу башламчылыкъларыгъызда жетишимле тежейме!