Алчылыкъны ычхындырмагъандыла

Россейни халкъларыны бирликлерини жылына жораланнган турнир яникойчуланы бла спартакчыланы араларында «Спартак» стадионну дзюдо залында ётгенди. 

Жаш спортчула къаты сермешле бардыргъандыла. Яникойну командасы, кючлюрек болгъанын  кёргюзтюп, тюбешиуню 6:3 эсеп бла бошагъанды. Кеси ауурлукъларында Газаланы Мурат, Геграланы Исса бла Муслим, Герузланы Малик, Тимур Векуа, Геграланы Мусса, Жаникаланы Илияс, Кючюкланы Сюлемен эм Шауаланы Саид хорлагъандыла. Ала Яникойну муслийман биригиуюню кубокларына бла дипломларына да тийишли болгъандыла. 

Элни спорт комплексини таматасы Алимбайланы Маратны энчи саугъаларына уа эки команданы келечилери  да тийишли болгъандыла. Тренерле Жолабланы Къайсын, Цийкъанланы Ислам эм Чочайланы Алий да салгъан къыйынлары ючюн грамотала бла белгиленнгендиле.