Энчи аскер операциягъа къатышханлагъа аталып – шахматладан эришиу

Псыгансуда, Энчи аскер операциягъа къатышханлагъа аталып, терк шахматладан эришиу къуралгъанды. Анга Къабарты-Малкъардан, Краснодар эм Ставрополь крайладан, Москвадан, Санкт-Петербургдан, Адыгеядан, Дагъыстандан, Шимал Осетиядан, Ингушетиядан, Чеченден бла Комиден 154 адам къатышхандыла.

Он баш саугъадан сора да, эришиуде 17 жыллары толмагъанланы, тиширыуланы бла ветеранланы араларында хорлагъанлагъа къошакъ саугъала берилгендиле. Эм иги ойнап, кеслерини къауумларында алчы жерлеге бизни республикадан Ахматланы Амина, Чамал Гедгафов, Тамайланы Таймураз эм башхала чыкъгъандыла.