Алчыланы санына къошулгъандыла

Сабийлени араларында дзюдодан 2025 жылны эм магъаналы эришиулеринден бири «Локодзюдо» болгъанды. Былтырны аллында башланып, аны ахыр сермешлери бу кюнледе бошалгъандыла, алада республикабызны спортчулары атларын айтдыргъанларын белгилерчады. 

Суперфинал тюбешиуле Минскде ётдюрюлгендиле, анда Къабарты-Малкъарны келечилери 6 алтын, 2 кюмюш бла 3 доммакъ майдал алгъандыла. Алай бла алчы жерлеге Мисирланы Мансур, Инал Джафаров, Биттирланы Эмирхан, Адам Гучаев эм башхала чыкъгъандыла. Самир Кажаров а – эм иги дзюдочугъа, республикабызны «Локомотив» клубу уа, лигада эм кёп очко жыйып, эм иги клубха саналгъандыла.