Къырал органлагъа тюзюнлей оюмларын билдирирге ахшы амал

Къабарты-Малкъарда жашагъанла 2025 жылда «Платформа обратной связи» сервисни хайырындан 12 минг къагъыт ийгендиле. Ол амал властьны келечилерине тюзюнлей оюмларын билдирирге онг береди. Аны юсюнден республиканы оноучусу Казбек Коков кесини телеграм-каналында билдиреди.

Жиберилген къагъытланы асламысы билим бериуню, саулукъ сакълауну, электрон амала бла врачха приёмгъа барыргъа жазылыу эм башха соруула болгъандыла. Андан сора да, адамла аслам жюрюген жерлени тапландырыу эм кир-кипчикни кетериу соруула келгендиле.

Белгилерчады, Къабарты-Малкъар «Платформа обратной связи» сервисни сингдириу бла къыралны регионларыны ичинде 16 жерни алады. Аны бла бирге 2023 жылдан бери бизни республика Шимал-Кавказ федерал округда биринчи жерни алады. Сагъынылгъан сервисге сорууну «Госуслуги. Решаем вместе» портал бла да жиберирге боллукъду, деп айтылады билдириуде.