Бузлауукъ къайтарылса, тийишли мадарла этилликдиле

КъМР-ни Башчысы Казбек Коков республиканы транспорт эм жол мюлк министри Аслан Дышеков бла ишчи тюбешиу бардыргъанды. Аны юсюнден республиканы оноучусу Казбек Коков кесини телеграм-каналында билдиргенди.

Муну аллында осал хауа болумланы хатасындан автомобиль жоллада болгъан бузлауукъланы тазалау бла байламлы ишле къалай бардырылгъанларыны юслеринден билдириуге тынгылагъанма. Артыкъ уллу эс туристле жюрюген жоллагъа бурулгъанды.

Жангы жылны ал кюнлеринде транспорт жюрюу бла байламлы чырмаула болмагъандыла, ол санда пассажирлени жюрютгенде да.

Къабарты-Малкъарны жол службаларыны къышда хауа болумланы хатасындан  бузлауукъла болуп неда жолланы къар жапса, ол кезиуде тийишли мадарла этерге онглары барды, деп айтылады билдириуде.