Аскерчилерибизге къайгъыра

Ата журтну Жигитлерини кюнюнде Сюд приставланы федерал службасыны КъМР-де Управлениясында къуллукъ этгенле #Спасибо_Героям деген акцияны бардыргъандыла:  СВО-гъа  аскерчилени жашырынлыкъларын жалчытхан ау эшгендиле, окопланы жарытырча жау чыракъла этгендиле. Ала аскерчилени къоркъуусузлукълары бла байламлы болгъанларын ангылап, приставла ишлерине жууаплы кёзден къарагъандыла.

Андан сора да, УФССП-ны Нальчикде бирикдирилген приёмныйинде жандауурлукъ жюк да жыйышдырылгъанды. Бу ишге уа приставла бла бирге республиканы инсанлары да къатышхандыла. «Биз быллай жумушла бла  тынчлыгъыбызны, мамыр жашауубузну сакълагъан жигитлеге уллу хурмет этгенибизни кёргюзтюрге сюйгенбиз»,-дегендиле приставла.