Гитче гёжефлерибиз – алчы жерледе

Къыралыбызны шимал жаныны арасында – Архангельскде – грек-рим тутушуудан «Арктиканы кубогу» деген онекинчи халкъла аралы эришиу бардырылгъанды. Анга Россейни жер-жерлеринден алты жюзге жууукъ умутландыргъан жаш гёжеф къатышхандыла, ол санда бизни республиканы келечилери да.

Таумырзаланы Мурадинни башчылыгъында жарау этген гитче спортчула майдалла бла къууандыргъандыла. Жыл санларына къарамай, ала итиниулюклерин, тириликлерин да толу ачыкълагъандыла. Алай бла Амирхан Алимжанов (22 кг) бла Биттирланы Рустам (24 кг),  алтын, Бекхан Эльдиев а (48 кг) кюмюш майдалланы алгъандыла.