Ахчаны алгъанды, борчларын а толтурмагъанды

КъМР-ни полициячылары юйде хайырланылгъан техниканы сатыу-алыу бла башын жулуп этилген хыйлачылыкъны ачыкълагъандыла.

Россейни МВД-сыны Элбрус районда бёлюмюню къуллукъчулары Элбрус элден 35-жыллыкъ тиширыу   хыйлалыкъ этгенине ишеклидиле.

Толу болмагъан шартлагъа кёре, быйыл июньда анга къоншу республикаладан бирини 42-жыллыкъ инсаны сёлешгенди. Ол танышларындан элбрусчу юй керекледе хайырланылгъан техника сатханын эшитип, андан товар сатып алыргъа умут этгенди. Ол мурат бла ахчаны тёлегенди, алай сатыучу кесине алгъан борчланы толтурмагъанды. Алай бла къоранчны ёлчеми 1 720 000 сомгъа жетгенди.

Элбрус районну полициячылары РФ-ни УК-сыны 159-чу статьясыны 4-чю кесегине кёре терслеу материалла ачхандыла.