"Энчи къыйын салып, Хорламыбызны жууукълатасыз!"

5 декабрьде Россейде Волонтёрну кюню белгиленеди. Аны бла байламлы КъМР-ни Башчысы Казбек Коков республиканы волонтёрларын, кеслери ыразылыкълары бла башхалагъа болушлукъ этгенлени барысын да байрам бла алгъышлайды.

«Бу байрам огъурлу, халал жюрекли, ниет жаны бла чыныкъгъан, къарыусузлагъа болушургъа не заманда хазыр болгъан адамланы бирикдиреди.

Бизни республикада да волонтёрланы къауумуна къошулгъанла жылдан-жылгъа кёпден-кёп болуп барадыла. Бюгоюнлюкде ала жамауатны жашаууна тири къатышадыла, кёп магъаналы социал проектлеге, гуманитар, патриот, жандауурлукъ ишлеге юлюшлерин къошадыла, уллу жарыкъландырыу иш бардырадыла, бек къыйын кезиуледе болушлукъгъа келедиле.

Маданият, спорт жаны бла да сизсиз бир магъаналы иш да ётмейди. Энчи аскер операциягъа къатышып, Ата журтубузну эркинлигин къоруулай тургъан жашларыбызгъа, аланы юйюрлерине болушлукъ тапрдырыу жаны бла сиз бардыргъан ишни магъаналылыгъын а айтып ангылатхан окъуна къыйынды.

Биз сизни бла ёхтемленебиз! Бизни барыбызны ишибизге энчи къыйын салып, сиз Хорламыбызны жууукълатасыз!

Къабарты-Малкъарда волонтёр къымылдаугъа къатышханланы барысына да огъурлу ишни бардыргъанлары, инсанлыкъ борчларына жууаплы кёзден къарагъанлары, жюрек халыллыкълары эмда жан аурута билгенлдери ючюн ыспас этеме.

Барыгъызгъа да кийик саулукъ, огъурлу ишигизни бардырыргъа кюч-къарыу, жетишимле да тежейме!»,- деп жазгъанды Казбек Коков телеграм-каналында.