УФСБ: Жалгъан ичги чыгъаргъандыла

Жалгъан продукцияны законсуз сатыу-алыугъа къажау излеу-тинтиу жумушла бардыргъан кезиуде  Россейни ФСБ-сыны КъМР-де Управлениясыны къуллукъчулары, КъМР-ни Ич ишле министерствосуну келечилери бла бирге 42-жыллыкъ М.М.Жановну бла 63-жыллыкъ А.И.Ашиновну  бузукъчу ишлерин тыйгъандыла. Ала къырал маркалары болмагъан ичги продукцияны законсуз жарашдыргъанлары, сатып алгъанлары, асырагъанлары эм ташыгъанлары ючюн терсленедиле.

Урван районну сюдю ишеклиле  РФ-ни УК-сыны 171.1-чи статьясыны 6-чы кесегини «а» пунктуна бузукълукъ этгенлерин тохташдырып, аланы  эркинликлерин 2 жылдан 2 жылгъа бла 6 айгъа дери сыйырыргъа деген оноуну чыгъаргъанды. Ол кючюне киргенди.