Каменкачыла хорлагъандыла

«Кесинги дининги бил» деген эришиуде кеси районларында хорлагъанла бу кюнледе аны республикалы кезиуюне къатышхандыла. Эсигизге салайыкъ, бу жумуш КъМР-ни Жаш тёлю министерствосуну башламчылыгъы бла бардырылады. 

Чегем районда алчы болуп, финалгъа Каменка элни келечилери чыкъгъанларыны юсюнден алгъаракъда газетибизде билдирген эдик. Ма бу жол да каменкачы жашла, ислам динни юсюнден билимлери башхаладан эсе игирек болгъанын кёргюзтюп, хорлагъандыла. Энди ала Къабарты-Малкъарны атындан Шимал-Кавказ эришиулеге къатышырыкъдыла.