Пенсия бериуню не сылтау бла тыяргъа боллукъдула?

Къабарты-Малкъарда МФЦ-дан билдиргенлерине кёре,  алай болурча талай сылтау барды. Сёз ючюн, сакъат инсан, кесини ол халин жангыдан тохташдырыу жумушха заманында келмей къалса, анга пенсия тёлеуню юч айгъа тыядыла. Аны болжалы алты айгъа уа ма былагъа эмда быллай кезиуледе созулады:

- инсан пенсиясын аллай бир айны ичинде алмай тура эсе. Сёз ючюн, ахча жиберилген счёт жабылып, аны жангысыны юсюнден а заявление берилип билдирилмей турулса;

- жумушларына къарагъан адамы болмагъан сабийге 18 жыл толгъандан сора, очно бёлюмге окъургъа киргенине шагъатлыкъ этген къагъытланы ол Социал фондха бермеген эсе;

- жумушларына къарагъан адамы болмагъан 18-23 - жыллыкъ инсан, школну тауусуп, очно бёлюмге окъургъа киргенине шагъатлыкъ этген къагъытланы Социал фондха бермеген эсе;

- жумушларына къарагъан адамы болмагъан 18-23 - жыллыкъ инсан тыш къыралда очно окъуй, ол шартны юсюнден жыл сайын билдирип турмай эсе;

- тыш къыраллы, сора дагъыда инсанлыгъы болмагъан адамгъа бизни къыралда жашаргъа эркинлик берген къагъытны болжалы чыкъгъан эсе;

- пенсиячы тыш къыралгъа кёчюп кетип, аны юсюнден а Социал фондха билдирмеген эсе;

- пенсиячы халкъла аралы келишимге тийишлиликде пенсия тёлерге борчну боюнуна алгъан къыралгъа кёчюп кетген эсе.

Пенсияны тёлеу арталлыда тыйылады:

- пенсиячы ауушса неда аны тас болуп кетгеннге санасала;

- пенсияны тёлеу тохтап алты ай озгъандан сора;

- тыш къыраллы, сора дагъыда инсанлыгъы болмагъан адамгъа бизни къыралда жашаргъа эркинлик берген къагъытны кючю тас болса;

- пенсиячы кеси заявление берип, тёлеуню алыргъа сюймегенин билдирсе.

Пенсия алыргъа эркинлик тас болады:

- инсанны аны алыргъа эркинлигин кёргюзтген шартлары жалгъан эселе;

- адам сакъат болгъаннга саналгъан заман чыкъгъан эсе;

- жумушларына къарагъан адамы болмагъан 18 жылы толгъан сабий, очно окъургъа кирмей, кесини да 23 жылы жетген эсе неда ол ишге орналгъан эсе;

- жумушларына къарагъан адамы болмай, кеси да пенсия алгъан инсан ишге чыкъгъан эсе.

Пенсияны жангыдан алып башлар ючюн  МФЦ-гъа барыргъа боллукъду.