«Хасания – къарындашларыбызгъа!»

Хасания уллу эллерибизден бирине саналады. Алгъаракълада элни администрациясы энчи аскер операциягъа къатыша тургъанлагъа керекли затла жыйышдырып жиберирге мурат этгенин билдиреди. Аны эллиле дурус кёредиле эмда ол жандауурлукъ ишге къолларындан келгенлерича себеплик этгендиле. Къысха заманны ичинде машина бла бир жюк жыйышдырылып, аскерчилеге ашырылгъанды.

Болсада эллиле аны бла да тынчайып къалмагъандыла: кёп болмай СВО-да къуллукъ этгенлеге жарарча абериле жыйышдырып, озгъан ыйыкъда дагъыда бир уллу машина бла жюкню ашыргъандыла. Ала аскерчилеге жиберген затланы араларында сапынла, ич быстырла, ашарыкъла, гара суула, хар замандача, эшилген  чындайла, кёлекле, ёрге жанла да бар эдиле. Жыйышдырылгъан затланы ахча бла тергегенде, бир миллион юч жюз мингден аслам сом  болады.

Сёзсюз, ол жандауурлукъ ишге элни тиширыуларыны биригиую таматалары Тежаланы Татьянаны башчылыгъында тири къатышхандыла. Аны бла да чекленип къалмай, кеслери да, энчи чакъырыу этип, бу кюнледе «Хасания – къарындашларыбызгъа!» деген ат бла гуманитар жюк жыйышдырып, тийишли жерге жибергендиле.

Тиширыуланы совети алагъа бу ишлеринде Хасаниягъа кирген жерде базарда сатыу этгенле уллу болушлукъ этгенлерин айтып, алагъа жюрек ыразылыкъларын билдиргендиле. 

Бу жандауурлукъ ишлери бла  Хасанияда жашагъанла  инсанлыкъ жууаплылыкъларын терен сезгенлерин, энчи аскер операциягъа къатыша, Ата журтну жалынчакъсызлыгъы ючюн жанларын-къанларын  аямай къазауат этген жашлагъа жюреклери бла къайгъыргъанларын энтта да бир кере кёргюзтгендиле.