Жюрекни жашлай сакъларыкъ кёгетледиле

Арт кезиуде аш-азыкъны тюз сайлауну, ол саулукъ, жашауну узунлугъу бла къысха байламлы болгъаныны юсюнден аслам айтылады. Республиканы клиника больницасыны телеграм-каналында билдиргенлерине кёре,  тахта кёгетле жемишле, арпа, будай, жаулу болмагъан белок жюрекни сакълаугъа себеплик этерикдиле.

Кёгетле жангыз жюрекге угъай, адамны чарыхына саулай да хайырлыдыла. Ала жюрек тамырлагъа чып тюшмезине себеплик этедиле, сора онкология ауруула къозгъалырларына къоркъууну азайтадыла, артыкъ семизликден сакълайдыла, иммунитетни кючлейдиле, аш орунну, чегилени  ишлеулерине себеплик этедиле.

Жаулу ашарыкъла, трансжирле, холестерин, хант туз, балтуз – саулукъгъа артыкъ хайырлы болмагъан затладыла. Ала къошулгъан ашарыкъланы къагъытларында жазылгъанны тюрслеп окъугъуз. Унутмагъыз, жюрекни тап ишлеую тири эм узакъ жашауну мурдоруду.