Карталаны жангы банкга кёчюрлюкдюле

11 ноября, 2025 - 12:05

Россейде  талай жылдан бери «Пушкинни картасы» деген акция бардырылады. Жаш адамла аллай картаны  хайырланып, театрлагъа, музейлеге, концертлеге, башха культура жумушлагъа жюрюрге онг табадыла.

Биринчи январьдан башлап «Пушкинская карта» программаны жангы оператор – «ВТБ» акционер общество - бардырлыкъды.

Бу программагъа къатышыргъа сюйген 14-22 жыл сандагъы жашла бла къызла 2025 жылда 31 декабрьге дери заявление жазаргъа керекдиле.Аны Къырал жумушланы порталында «Госуслуги Культура» приложенияда неда «Почта Банкны» офисинде жазаргъа жарайды.

Эски картаны ахчасын 2025 жылда 31 декабрьде хайырланыргъа боллукъду. Жангы картаны ахчасына билетле 2026 жылда 1 январьда 15:00 сагъатдан башлап сатыллыкъдыла.

 Эски карталада хайырланмай къалгъан ахчаны ВТБ-ны картасына ётдюрлюк тюйюлдюле.

 

Кючмезланы Айза.
  • 8 просмотров
Поделиться: