Биринчи болушлукъну абызырамай тапдырырча

Республиканы клиника больницасыны телеграм-каналында адамны жашауун бла саулугъун сакъларча жорукъла бла мадарла дайым кёргюзтюледиле. Бу жол анда инфарктны баш ышанларыны юслеринден билдирилгенди.

Алай бла адамны жюреги тутханын быллай шартла кёргюзтедиле:

- кёкюрегини ортасы неда сол жаны басып, къысдырып, къыздырып ачытады. Ол аркъагъа, жауурунланы ортасына, боюннга, ауузгъа, сол къолгъа бла сол имбашха да ётерге боллукъду;

- хауа жетмегенча болуп, терк-терк солуу алыу;

- саусуз ашдан ууланмагъан эсе да, къусарыгъы келеди, алай къусханлыкъгъа бошламайды;

- санла къарыусуз этедиле, башы айланады, кёзлери къарангы боладыла;

- ичин къоркъуу алады;

- эси ауады.

Къыркъ жылдан абаданла, тютюн ичгенле, артыкъ семизликлери болгъанла, диабетден ауругъанла эмда жууукъларында жюрек аурууладан къыйналгъанла бар эселе, бу ышанла бютюн уллу сакълыкъны излейдиле.

Жюрекни халын эсепде тутаргъа тийишлиди, алай ол терк уруп башлагъан эсе, табыракъ жер табып олтуругъуз, ырахатланыргъа кюрешигиз. Аны ючюн терен солуу алыргъа, 4-7 такъыйкъагъа солууну тотатып, акъырын солугъуз. Терезени ачып, таза салкъын хауа кирирча этигиз, аз-аз уртлап, жылы болмагъан суу ичигиз. 10-15 минутну ичинде бошламай эсе, врачха къаратыгъыз деп эсгертиледи телеграм-каналда.