Жолланы жангыртылыулары бла шагъырейленнгенди

6 ноября, 2025 - 09:13

КъМР-ни Башчысы Казбек Коков бу кюнледе Нальчикни автомобиль жолларында «Инфраструктураны - жашау ючюн» деген миллет проектни чеклеринде бардырылгъан къурулуш ишлеге къарагъанды. Аны юсюнден республиканы онучусуну телеграм-каналы билдиреди.

Быйылгъы жылда жол ишле Балкарская, Каменская, Карашаева, Кешокова, Ногмова, Щорса орамлада бардырылгъандыла. Саулай да битеу жангыртылгъан жолланы узунлукълары 10 километрге жетеди.

Жоллада къурулуш ишле бардырылгъанда асфальтны алышхандан сора да, жолну кенгертирге онг бар эсе, ол иш да тамамланады, дагъыда суула кетерча онгла къураладыла, эски инженер коммуникацияла алышындырыладыла, жолланы тегёреклери тапландырылады, тротуарла жангыртылынадыла.

Ремонт ишле бардырылгъанда жолланы эки жанларында заманны излемлерине келишген чыракъла жанарча онгла этиледиле, жол белгиле салынадыла, адамла жолну ётерча жерле да къураладыла, деп айтылады билдириуде.

  • 16 просмотров
Поделиться: