Тилеклерин бла оюмларын билдирирге ахшы амал

Къабарты-Малкъарны Цифралы, связь эм асламлы коммуникациялы министерствосу билдиргеннге кёре, республикада жашагъанла быйыл октябрь айда халкъ бла байламлыкъ жюрютген платформаны юсю бла 1000 къагъыт жазып жибергендиле. Ол амал толтуруучу власть органлагъа оюмларын эм тилеклерин тюзюнлей билдирирге онг береди, деп жазгъанды республиканы оноучусу Казбек Коков кесини телеграм-каналында.

Власть органлагъа келген тилеклени асламысы билим бериу, саулукъ сакълау, врачха электрон амал бла приёмгъа жазылыу бла байламлы болгъанды. Андан сора да, автомобиль жолланы эм тапландырыу бла байламлы соруула да келгендиле.
Къагъытланы тюрлю-тюрлю ведомстволагъа Къырал жумушланы тамамлагъан порталны энчи бёлюмюне эм «Къырал жумушла. Бирге тамамалайбыз» деген порталны мобиль приложениясына жиберирге боллукъду, деп айтылады республиканы оноучусуну билдириуюнде.