Сакълыкъ, жууаплылыкъ да изленедиле

КъМР-де Оператив штаб республиканы жамауатын бла аны къонакъларын келе тургъан байрам бла – Халкъны бирлигини кюню  бла -  алгъышлайды эмда сакълыкъны кючлендирирге чакъырады, террорчулукъ ишледен сакъланыр ючюн, бу жорукълагъа бойсунуругъузну тилейди:

-къыйын халгъа келтирирге, тёгерекдегилеге къоркъуу салыргъа боллукъ ишле этмезге кюрешигиз;

 -автотранспортну анга деп бёлюннген жерлеге салыгъыз;

 -ишеклик туудургъан чулгъамланы бла автомобильлени кёрсегиз, теракт эмда башха аманлыкъла хазырлана тургъанларыны, адамлада чачдырыучу затла бла сауутла болгъанларыны юслеринден билсегиз,  олсагъат право низамны сакълаучулагъа бла болушлукъгъа терк келген службалагъа билдиригиз;

-адамла аслам къатышхан жыйылыула баргъан, той-оюн болгъан жерледе право низамны сакълаучуланы, низам ючюн жууаплы болгъан башха адамланы законлу излемлерин толтуругъуз.

Хар билдириу да тынгылы тинтилликди, алагъа кёре инсанларыбызны къоркъуусузлукъларын жалчытыу жаны бла тийишли мадарла этилликдиле.

 КъМР-де Оператив штаб ишеклик туудургъан шартланы бла затланы юслеринден билдиргенлени атлары жашырынлыкъда къаллыкъларына ышандырады эмда республиканы жамауатына халны ангылагъаны ючюн ыразылыгъын билдиреди.

«Исси ызны» телефонлары:

КъМР-де УФСБ-ны: 48-15-81 (ышаныулукъну телефону);

КъМР-де МВД-ны: 40-49-10 (дежурный кесеги), 49-50-62 (ышаныулукъну телефону);

Россейни Следствие комитетини КъМР-де Следствие управлениясыны: 77-64-22 (ышаныулукъну телефону);

МЧС-ни КъМР-де Баш управлениясыны: 39-99-99 (дежурный кесеги).