"Ала сени чагъырынгы шуёхларыдыла"

(табасаран халкъ ойбер)

. Ол, биргесине чагъыр ичген шуёхлары, аны не къыйын заманында да  билеклик этерлерине ийнаннганды.

Тамата къарындашны юйдегиси бек акъыллы тиширыу болгъанды. Ол кёп кере  аны тёгерегине шуёхла угъай, чагъыр ичерге сюйген адамла жыйылгъанларын ангылатханды. Болсада  баш иеси анга тынгыламагъанды. Къатыны эрине  нёгерлеринги сынап бир кёр деп тилегенди. Ол а анга къычырып къойгъан болмаса, тынгыламагъанды. Бир ауукъ заман озгъандан сора  тиширыу сынауну кеси къурагъанды.

Бир ингирликде  эри кефирек болуп юйге къайтханда, ол аны жукъларгъа жатдырып, кеси уа аны нёгерлери иче тургъан жерге баргъанды.

– Эй, адамла, бир бушуулу иш болгъанды! – деп, тиширыу  жиляу-сыйыт этгенди. Мени эрим эсирип тургъанлай, къоншубуз Ахматны  ушкок бла уруп ёлтюргенди! Аны ёлюгюн халжардан тышына сюйрерге, элден тышына элтип, букъдурургъа керекди. Болушугъуз! Туругъуз! Сиз мени эрими шуёхларысыз да! – дегенди.

Бушуулу хапарны эшитгенлей, ичгиге хорлата тургъанла терк жайыкъгъандыла, болсада, аладан ёрге къобуп, болушургъа акъыл этген табылмагъанды, сора  бирем-бирем сылтау таба башлайдыла:

– Ой мен юйюме къонакъ келгенин унутуп турама, – деп, бири юйюне ташаяды.

– Шуёхларым, къойларым сюрюуден къайтмагъандыла, барып, аланы бир излейим, – деди  экинчиси.

– Быллай ишде мен шуёхлукъ эталмам, – деди ючюнчюсю. – Ахматны ким ёлтюрген эсе да, ол букъдурсун ёлюкню!

Ызы бла  ол тиширыу, къайыныны юйюне келип, жиляу-сыйыт этип, эри къоншусун ёлтюргенин, ёлюкню букъдурургъа кереклисин, къарындашына билеклик этерге кереклисин айтды. Кичи къарындаш  жаланаякълай  тамата къарындашны юйюне чабып жетеди. Халжаргъа къарап, ёлюкню кёрмей, юйге кирди. Тамата къарындаш жукълап уяннганлай, къатын да юйге кирип, былай айтады:

– Къарачы, киши, мен  сени шуёхларынга къоншубуз Ахматны ёлтюргенсе, ёлюгюн букъдурургъа керекди деп сынаргъа айтханма. Ала не болду деп сагъаймадыла. Бирер сылтау бла къачып кетдиле. Ызы бла къарындашынга ол халда айтып бардым. Ол жаланаякълай чабып, сени къутхарыргъа келди. Сен «шуёхларынг суннган адамла» – сени чагъырынгы шуёхларыдыла.