Миграция законнга бузукълукъ этгенле ачыкъланнгандыла

КъМР-ни МВД-ны миграция соруула бла байламлы управлениясыны  ишчилери Россейни ФСБ-ны КъМР-де управлениясы бла эмда Росгвардияны  СОБР отрядыны келечилери «Нелегал-2025» деген федерал комплексли оператив-профилактика операцияны чеклеринде Нальчикде рейдле бардыргъандыла, деп билдиреди  МВД-ны КъМР-де управлениясыны  телеграм-каналы.

Он бир къурулуш мекямда бардырылгъан оператив ишлени кезиуюнде миграция жаны бла законнга бузукълукъ этген 33 кезиу ачыкъланнганды, битеу да 100000 минг сом багъасы тазир салыннганды.

Россей Федерацияны Уголовный кодексини 322.3 статьясына тийишлиликде эки уголовный иш ачылгъанды (эсепге жалгъан къагъытла бла салыу). Тыш къыраллы 23 адамны Россей Федерацияны ичине къоймазгъа деген оноу чыгъарылгъанды, дагъыда бир инсаннга бизни къыралда тургъаны бла болжалын къысхартыргъа  деп оноу этилгенди, эки адамны къыралны ичинден тышына чыгъарыргъа кереклисине да оноу барды.

Тыш къыраллы инсанланы миграция законлагъа бузукълукъ этип ишге алгъанлары эм аланы иш бла жалчытханлары ючюн иш бергенле  административ жууаплылыкъгъа тартылгъандыла.

Профилактика ишле бардырылгъанларыны хайырындан иш берген 7 адамгъа 11 административ протокол этилгенди. Ала Россей Федерацияны тыш къыраллы инсанланы эмда инсанлыкълары болмагъанланы ишге алыу жаны бла бузукълукъ этгенлери ючюн терсленедиле, 4 материал Нальчикни шахар сюдюне ашырылгъанды,   деп айтылады билдириуде.