Хорламлы гёжефлеге аэропортда тюбегендиле

Нальчикни аэропортунда дунияны грепплингден чемпионатында хорлагъан гёжефлеге – Мухамед Урусовха бла Таппасханланы Исламгъа – къууанчлы халда тюбегендиле. Аэропортну аллында майданда спортчуланы жууукъ-ахлулары, тренерле, къараучула да жыйылгъандыла. Аланы спорт министрни орунбасары Заур Хежев алгъышлагъанды. 

Эсигизге салайыкъ, чемпионат Сербияда грепплингни «Grapling Gi» эмда «Grapling Nj-Gi» бёлюмлеринде бардырылгъанды. Анга къыралланы асламысындан эм кючлю атлетле къатышхандыла, быллай уллу эришиулюкде Россейни миллет жыйымдыкъ къауумуну  келечилери 11 майдал къытхандыла. Къыралыбызны бу жетишимине къошумчулукъну республикабызны келечилери да этгендиле: Мухамед – алтын, Ислам а кюмюш майдалланы алгъандыла. Аланы тренерле Руслан Шухостанов бла Рустам Юнус хазырлагъандыла.