Жашау журтлагъа къошулады

Быйыл жылны башындан бери жашау журтладан 459,7 минг квадрат метрден аслам ишленнгенди. Ол былтыр бу замандан 1,3 процентге кёпдю, деп билдиргендиле Шимал-Кавказ статистика управленияны пресс-службасындан.

Сагъынылгъан кезиуде кёп фатарлы жашау журтланы къурулушлары бла кюрешген организацияла бла энчи иелиле 4 минг квадрат метрден асламда фатарла салгъандыла. Алгъаракълада билдиргенибизча, быйыл экинчи кварталда республикада 314,2 минг квадрат чакълы жашау журт ишленнгенди неда былтыр бу замандан 10,4 процентге кёп. Анга кёре тогъуз айгъа иги ёсюм эсленеди.

Эсге сала айтсакъ, быйыл республикада «Жашау журт» регионал проектге кёре 570 минг квадрат метр жашау журт ишлер муратлыдыла. Аны бла бирге стратегиялы программаны чеклеринде 2030 жылгъа республикада жашау журтланы санын 761 минг квадратха жетдирир умут этиледи.