Мектепни электрокюч бла жалчытхандыла

Кёп болмай «Россети Северный Кавказ» – «Каббалкэнерго» биригиуню специалистлери   Чегем шахарда 820 окъуучугъа ишленнген  мектепни ток ызлагъа къошхандыла. Ол  380  киловатт электрокюч бла жалчытылыннганды.

Социал магъаналы объект Къабарты орамда орналады, аны къурулушу «Билим бериу» миллет проектге кёре бардырылгъанды. Ол беш корпусдан къуралады. Аны жарыкъ, уллу класслары, жыйылыула бардыргъан эм спорт заллары, тигерге юйретген мастерскою, китапханасы. Ашханасы эм башха затлары бардыла.

Андан сора да, билим бериу учрежденияны тийресинде топ ойнаучу эм воркаутдан жарау бардырырча майданлары барды. Жангы школну хайыры бла «Южный» микрорайонда окъуучуланы жерле бла жалчытыргъа эм билим бериу  тийишли халда бардырылырча этерге  болушханды.

Эсге сала айтсакъ, ток ызлагъа къошулургъа сюйгенлеге  «Россети» биригиуде электрон халда  заявка берилирча сервисле ишлейдиле. Ол санда «Энчи кабинет» бла     Портал-ТП.РФ сайт да.