Кеслери иш къурап къармашханланы эслерине

Профессионал файдагъа налог тёлеген кеслери алларына ишлегенле келир заманда пенсияларын къураргъа боллукъдула, деп билдиргендиле КМР-де МФЦ-дан.

Страховой пенсияны алып башлар ючюн, адамдан ма бу затла керекдиле:

- энчи пенсия коэффициенти (ИПК) 30-гъа жетерге;

- 15 жылдан аз стажы болмазгъа;

- пенсия жыл саннга жетерге.

Кеслери иш къурап къармашханланы пенсия страхованиягъа хакъларын тёлеген иш бериучюлери болмагъаны себепли ала кеси ыразылыкълары бла Социал фонд бла келишим этип (https://sfr.gov.ru/employers/selfemployed/#) керекли страховой стажны жыйып, ИПК-ны мардасын ёсдюрюрге бол-лукъдула.

Аны ючюн керекди:

* Пенсия страхованияны юсюнден кеси ыразылыкълары бла Социал фонд бла келишим этерге:

- госуслуги порталда энчи кабинетде (https://www.gosuslugi.ru/);

- Фондха барып (https://sfr.gov.ru/grazhdanam/social_fond / ~sk);

- «мени налогум» деген мобильный приложенияда (https://npd.nalog.ru/app/).

* Жыл сайын 31 декабрьге дери быйылгъы пенсия страхованиягъа ахча бёлюрге. 2025 жылда бу тёлеуню эм аз ёлчеми 59241 сом 60 капекди (1 МРОТ × 22% × 12). Быллай тёлеу 1 жыл стажны бла 0,975 ИПК-ны жыйышдырлыкъды. Эм уллу ёлчеми уа 473932 сом бла 80 капекди (8 МРОТ × 22% × 12). Аллай тёлеу 1 жыл стажны эмда 7,799 ИПК-ны къураргъа амал берликди.

Эс буругъуз, страхование стажны толу жылын эм кёргюзтюлген коэффициентлени сатып алыр ючюн, сау жылны тёлеучю болургъа керекди.

Сёз ючюн: кеси иш къурап къармашхан инсан, борчлу пенсия страхованиягъа кеси ыразылыгъы бла взносла бериучюлени санындады. Быйыл 31 декабрьге дери ол ары 70000 сом кёчюргенди. Аны бла ол адамда 1 жыл страховой стажы эмда 1,152 ИПК къураллыкъды.

Взносланы эсеплеу келир жыл 1 мартха дери бардырылады.