Алгъындан кенг эм кючлю да боллукъдула

Къабарты-Малкъарда «Жашау этерге инфраструктура» миллет проектге кёре туризм объектлеге баргъан жолла тап эм къоркъуусуз болурча аслам иш этиледи. Бу жаны бла уллу эм магъаналы проектледен бирине «Экинчи

Чегем – Булунгу» жолгъа тынгылы ремонт этилгенин санаргъа боллукъду. Ол 2022 жылда башланнганды, аны кезиуюнде 64 километр жангыртыллыкъды, деп билдириледи КъМР-ни Транспорт эмда жол мюлк министерствосуну пресс-службасындан.

Бюгюнлюкде специалистле Чегем чучхурланы бла Булунгуну эм Эл-Тюбюню арасында жолну 25 километр кесегин игилендирип кюрешедиле. Ол санда жолну мурдорун кючлеп. Жауун, суу саркъырча быргъыла, арыкъла салып,

жардан таш, топуракъ оюлмазча, черек жагъаларын суу таламазча бетондан хунала къуюп кюрешедиле эм биринчи къат асфальт салгъандыла. Жылны ахырына дери жолну мурдорун кючлеп. Биринчи къат асфальт жайып

бошаргъа умутлары барды. Аны бла бирге къоркъуусузлукъгъа да аслам эс буруллукъду, темир буруула тартыллыкъдыла эм башха тийишли жумушла да тамамланырыкъдыла. Андан сора да, жылны ахырына дери 214 метрден асламда  тогъуз кёпюр жангыртыллыкъды. Алгъаракълада аланы бешисинде къурулуш ишле бошалгъандыла. Бусагъатда  Чегем, Кёк-Таш эм Жууунгу сууда да  тёртюсюню  къурулушу барады. Ала быйыл кюз артындан кеч къалмай битерикдиле.

Къурулуш ишле болжалдан кеч къалмай барадыла, анга кёре жууукъ заманда  жолгъа, ол санда кёпюрлеге да асфальт жайылырча боллукъду. Алада къоркъуусузлукъ жалчытылынырча да аслам эс буруллукъду.

Саулай алып айтханда, объект келир жылдан кеч къалмай хайырланыргъа берилирге керекди.