Сабийле жангыртылгъан мектепге жюрюп тебирегендиле

Черек районну Зарагиж элинде битеулю билим берген мектеп тынгылы тапландырылып, ол энди бу кюнледе сабийлеге  эшиклерин ачханды. Мында бюгюнлюкде бир жолгъа 600 окъуучу билим алырча онг барды. Махкемеге ремонт «Жаш тёлю эмда сабийле» миллет проектни чеклеринде этилгенди. Ол кеси да быйыл январьда бардырылып тебиреген эди.

Мектепде хар не да  жангыртылгъанды, терезеле бла эшикле, чардакъ да алышындырылгъандыла. Башхача айтханда уа, шёндюгюлю къурулуш материалла хайырланылгъандыла эмда школ бюгюнню излемлерине келиширча болгъанды. Андан сора да, мында Сабий башламчылыкъланы арасы къуралгъанды.

Дагъыда окъуу махкемеде эрттеден бери алышындырылмай тургъан спорт керекле жангыртылгъандыла. Бюгюнлюкде мында 200-ден аслам сабий окъуйду. Ала уа билим алгъан мектеплери алай жангыртылгъанына къуаннгандыла эмда бери билим алыргъа сюйюп жюрюйдюле.