Чегемде – жангы сквер

Былтыр онлайн къол кётюрюуде хорлагъан Чегем шахарда жууукъ кезиуледе талай аламат проект бардырыллыкъды. Аладан бири – шахар скверди  сабий аттракциону бла. Бу башламчылыкъ «Ырахат  шахар болумну къурау» къырал проектни чеклеринде хорлагъанладан бириди, дегендиле КъМР-ни Къурулуш эмда ЖКХ министерствосунда.

Шёндю ол тийреде тийишли ишле башланнгандыла. Къурулушчула, алайны тазалап, мурдорун терекле орнатыргъа, къыртиш къураргъа, спорт бла кюреширге, ойнаргъа эмда жаяу жюрюрге жараулу бёлюмлеге деп  хазырлагъандыла. Бусагъатда уа бордюр ташланы орната турадыла.