Экономиканы айныуу акъырын болгъанды, туризмде кёрюмдюле уа ахшыдыла

Къабарты-Малкъарны Жамауат палатасыны сайтында Россейни Банкыны «Регион экономика: Россейни Банкыны Баш управлениясыны эсгертиулери» деген докладны эсеплери келтирилгендиле.

Анга кёре июль-августда Къыбыла макрорегионда экономика тирилик азайгъанды. Кюнню халы аман болгъаны ючюн, эл мюлкде жау чыгъарылгъан битимлени бла арпаланы тирликлери, алгъадача, бай болмазлыгъы сакъланады. Тенгиз портлада да жюкле ташыу азайгъанды.

Алай, пляж курортлагъа туристле азыракъ келген эселе да, солууларын Шимал Кавказны тауларында ётдюрюрге сюйгенлени саны уа ёсгенди. Туризм алай айныгъанына себепликни жангы инфраструктура къуралгъаны этгенди. Юлгюге, Къабарты-Малкъарда багъыу азот-термальный сууу бла биринчи аквапарк ачылгъанды. Андан сора да, республикада темир жолла бла къурулуш материалланы ташыу кёбейгенди.