Тийишли органла болумну тинтирикдиле

КъМР-ни Башчысы Казбек Коковну телеграм-каналында Минги тауда бир креслосу болгъан канат жолда авария болгъаныны юсюнден билдириу басмаланнганды. Регионну оноучусу анда былай жазгъанды:

- Жарсыугъа, Элбрус тауда бир креслосу болгъан канат жолда (иеси – ООО «МКД Эльбрус» энчи иели компания) аварияны хатасындан эки адам ёлгенин айтыргъа тюшеди.

Къутхарыучула алайда ишлейдиле, ёлгенлени чыгъарыу жумушла тамамланадыла. Бусагъатха андан сора ачыгъанла болгъанларыны юсюнден хапар билдирилмейди.

Алгъадан чыгъарылгъан эсепге кёре, аварияны сылтауу тросну багъаналадан биринде роликден ычхыннганы бла байламлыды. Тийишли органла болумну саулай тинтип чыгъарыкъдыла.

Уллу бушуу этип, ауушханланы юйюрлерине, жууукъ-ахлуларына къайгъы сёз береме.