Реабилитация керекле эки амал бла тапдырыллыкъдыла

Быйылдан башлап сакъат адамла реабилитация кереклерин (ТСР) Социал фондну регионда бёлюмюне жазгъан заявленияларына кёре эки амал бла аллыкъдыла: аланы кеслерин неда электрон сертификат бла.

 Инсан алгъадагъы амал бла алыргъа сюе эсе, реабилитация кереги анга къырал келишим бусагъатда тауусулгъанына бла къалгъанына кёре жетдирилликди. Келишим бар эсе, ТСР иесине 15 кюнню ичинде тапдырыллыкъды, паллиатив саусузлагъа – 7 кюннге.

   Электрон сертификат бла жумушну теркирек тамамларгъа онг барды. Сертификат «Мир» миллет тёлеу система бла байланыпды, аны хайырындан инсан сатыу-алыу этгенде аны ким болгъанын тохташдыргъан эм ахчаны казначействодан ётдюрген тынчды. Сертификатны 10 кюнню ичинде алыргъа эмда аны бла 1 жылны хайырланыргъа боллукъду.

Эс буругъуз: инсан ТСР-ни кесини ахчасына 2024 жылны ахырына дери алгъан эсе, Социал фонд анга къоранчларын алгъа жылладача къайтарлыкъды.

 Реабилитация кереклени алыр ючюн заявленияны къырал жумушланы порталында, МФЦ-да бла фондну бёлюмюнде жазаргъа жарарыкъды.