Ингирде кезиулю эришиуюн бардырлыкъды

Бюгюн Краснодар шахарда къатыш единоборстволадан АСА 191 турнир бардырыллыкъды. Анда кеслерини къарыуларын бу жол 22 спортчу сынарыкъдыла. Аланы араларында бизни Тюменланы Альберт да барды. Ол жарым ауурлукъ категорияда Винициус Круз бла сермеширикди.

Тюмен улу бла тенглешдиргенде, ол сермеширик спортчу артыкъ сынамлыды дерге жарамаз. Битеу да Винициус Круз 21 тюбешиу бардыргъанды, аланы 14-де хорлам болдургъанды.

Альберт тюнене берген интервьюсунда: «Круз тийишли спортчуду. Сермеш сейир ётеригине  кючлюлюгюнде ишеклилигим жокъду», - деп чертгенди.

Алай бла бюгюн бардырыллыкъ турнир экиге бёлюнюпдю. Биринчи къауумгъа киргенлени эришиулери 18:00 сагъатда башланырыкъды. Анда 10 спортчу кеслерин сынарыкъдыла.

Ызы бла уа 21:00 сагъатда бек кючлюлени сермешлери ётерикди. Бизни Альбертни бла Винициус Крузну тюйюшлери энчи сакъланнганладан бириди. Дагъыда бу къауумда бизни республикадан Мухамед Коков да барды. Ол Дави Рамос бла сермеширикди.

Алайды да, турнирге бюгюн «Матч ТВ» каналда къараргъа боллукъду.