«Радугада» - жангы аквапарк

Курортла эм туризм министерстводан билдиргенлерине кёре, «Радуга» реабилитация арада къууанчлы халда аквапарк ачылгъанды.

Ол округда азот-термал сууу болгъан биринчи аквапаркды. Ол а адамны нерваларын багъады, сюеклерин бла жиклерин кючлейди. Аны хайырындан арагъа келген сабийлени реабилитацияларын бардырыуну амаллары кёбейтилликдиле. Ала мында заманларын зауукълу оздургъанларындан сора да, саулукъларын да игилендирликдиле.

Эсигизге салайыкъ, жыл сайын арада къыралыбызны башха-башха регионларындан багъылгъан сабийлени саны асламды.