Жолоучулукъда къаллай дарманла керек боллукъдула

 Адам узакъ жолгъа тебирегенде не тюрлю болум да чыгъаргъа боллукъду, ол санда саулукъ бла да байламлы. Анга кёре республиканы Курортла эм туризм министерствосу телеграмында Путешествуем.РФ порталда эсгертиуле бла шагъырей этгенди.

  Алай бла жолоучуну аптечкасында быллай дарманла болургъа тийишлидиле:

  - ачыгъанны селейтген;

- температураны тюшюрген;

- тамакъ ауругъанда керекле;

 - воспаленияны азайтхан эмда жараланы терк сау этген;

- жара тюшгенде, аны тазаларча, йод неда водород перекись;

- затыгъызны кюйдюргенде болушурча спрей неда жагъарча мазь;

- къан келсе, аны тыярча бинтле;

- ууланнганда ичерча энтеросорбентле;

- ашны эритирча ферментле.

Бу дарманла жолоучу къауумда кимге да жараргъа боллукъдула. Алай инсанны башха хроникалы ауруулары болуп, аны бла байламлы дайым да  дарманла иче эсе, аланы да унутмазгъа керекди.