Къыйынларына – тийишли багъа

МЧС-ни регионда Баш управлениясындан билдиргенлерича, Элбрус районну администрациясында Къабарты-Малкъарны Правительствосуну Председатели Мусукланы Алийни башчылыгъында ведомствола аралы жыйылыу бардырылгъанды. Анда Герхожан сууда ырхыла келгени бла байламлы къыйын болум салгъан хатаны кетериу эмда районда къоркъуусузлукъну жалчытыу жаны бла мадарла этиуню юсюнден соруула кётюрюлгендиле.

Жыйылыуда саугъалаула да болгъандыла. Къыйын болумну хатасындан кетериуге салгъан къыйынлары ючюн республиканы Башчысыны ыспас къагъытлары бла онунчу от ёчюлтюу-къутхарыу бёлюмню башчысы Байчеккуланы Азамат бла аны орунбасары Аслан Орсаев белгиленнгендиле.