Предпринимательлеге себеплик

Быйыл биринчи жети айны ичинде «Къабарты-Малкъарны эм аз ёлчемли кредитле берген фонду» гитче эмда орта предпринимательство бла кюрешгенлеге 18,25 миллион сом багъасына себеплик этгенди. Ахча алагъа битеуда 56 займ бла берилгенди, дегендиле КъМР-ни Экономиканы айнытыу министерствосунда. Предпринимательле анга оборудование, зыгытла, урлукъ, минерал семиртгичле, битимлени къоруулагъан затла, мал ашла сатып алгъандыла эмда ишлеринде керек башха аберилеге къоратхандыла. Саулай алып тергегенде уа, бу фонд къуралгъанлы бери предпринимательлени 758 миллион сом багъасына онгдургъанды.

Энтта жолла жангыртыллыкъдыла

Келир жылда Нальчикни тёгерегинде жангы жол ишленип башланырыкъды. Аны биринчи кезиуюнде «Кавказ» трассадан башлап, Шогенов атлы орамгъа дери 8 километрлик участкасы юзмез эмда зыгъыр жайылып жарашдырыллыкъды. Дагъыда 2026 жылда 10 объектде эмда эки кёпюрде мадар этилликди. Ол санда Новопавловск–Прохладный–Моздок трассаны энтта да жети километр кесеги жангыртыллыкъды. Андан сора программагъа бу объектле киргендиле: Черная Речка–Благовещенка (12,7 километр), Малка–Ингушлу (Кичибалыкъны ичинде 4 километр кесеги), Хамидие элге жол, Нальчик–Майский, Сармаковону къатында трасса.

Дагъыда келир жылда Булунгугъа баргъан эмда Эски Черек–Жемтала–Сукан-Суу жоллада жангыртыу ишле бошаллыкъдыла.