«Къырал байрагъыбыз Ата журтубуз, тарыхыбыз, хорламларыбыз ючюн ёхтемлик туудурады»

КъМР-ни Башчысы Казбек Коков халкъны Россей Федерацияны къырал байрагъыны кюню бла алгъышлагъанды:

- Хурметли жерлешлерим! Сизни Россей Федерацияны къырал байрагъыны кюню бла алгъышлайма!

Бу къырал белги къыралыбызны кёп миллетли халкъларыны тёлюден тёлюге ётген къыйматларын тохташдырады, Ата журтубуз, Россейни кёп ёмюрлю тарыхы, ата-бабаларыбызны жетишимлери бла хорламлары ючюн ёхтемлик сезимни туудурады.

Бюгюнлюкде ол, россей къыраллыкъны магъаналы кесегича, бизни жашауубуз бла къаты байланыпды, бизни бирлигибизни эмда Ата журтубузгъа кертилигибизни, аны миллет сейирлерин къорууларгъа хазырлыгъыбызны белгисича.

Жангы чакъырыуланы бла къоркъууланы аллында бу къыйматла бизни Ата журтубузну деменгилилигин кючлеуге кесибизни юлюшюбюзню къошаргъа итиниуде барыбызны да бютюн бирикдиредиле.

Къырал байракъ ёсюп келген тёлюде патриот сезимлени, инсанлыкъны, къыралны келлик кюнюне жууаплылыкъны ёсдюрюуге себеплик этеди. Сабийлерибизге алгъадан окъуна баш къырал белгилерибизден бирине ёхтемликни бла хурметни сингдириу бек магъаналыды. 

Къырал байракъ хар заманда да Россейни деменгилилигине бла жашнаууна деп къазауат болумлада жигитликлеге бла урунуу жетишимлеге кёллендиргенлей турлугъуна толу ийнанама.

Байрам бла алгъышлайма, багъалы шуёхла! Жетишимле, саулукъ-эсенлик, огъурлулукъ тежейме.